• الثلاثاء 21 نوفمبر 2017
  • بتوقيت مصر06:31 ص
بحث متقدم
شاهد..

سما المصرى تفتح النار على شيرين بعد إساءتها لمصر

فيديو

محمد الخرو

أخبار متعلقة

هاجمت الفنانة الاستعراضية سما المصرى، الفنانة "شيرين" بسبب محاولتها التقليل من شأن مياه نهر النيل في حفلها الأخير بلبنان عندما طلبت معجبة لبنانبة غناء "ما شربتش من نيلها" لترد شرين: "هيجيلك بلهارسيا".

وكتبت سما عبر حسابها على إنستجرام: "إن كنتوا نسيتوا اللى جرى، الله يرحم أيام الكحرتة، الأخت الفنانة شيرين فى واحدة فى حفلة طلبت منها أغنية "ماشربتش من نيلها" فردت عليها وقالت لها "هيجيلك بهارسيا"، اشربى "مياه .... أحسن".

ونشرت سما صورة لشرين فى بداية مشوارها الفنى، قائلة: "دى صورة الأخت الفنانة شيرين أيام ما كان عندها بلهارسيا، أيام ماكانت بتشرب من ميه النيل قبل ما تتعلم إنجليزى وتعرف تقول اسم الميه المعدنيه بالإنجليزى، اللهم يرحم كنتى زمان، وكنتى فاكرة الكريسماس آيس كريم إنتى اللى قلتيلى كده فاكره؟".

وتابعت سما: "بصى أنا مش هقولك مصر اللى عملتك ولا مصر اللى نضفتك زى ناس كتير ماهتقولك كده لا سمح الله، لا أنا هقولك ميه البلهارسيا دى بتاعت مصر، عارفه يعنى إيه مصر ولا مش عارفة؟، هى المياه دى اللى خلتك شيرين والعيب مش عليكى العيب على اللى لسه بيقول عليكى فنانة ونجمة وانتى طايحه فى خلق الله، مرة عمرو دياب ومرة شريف مدكور وصوتى لعساف ضد أحمد جمال ابن بلدك".

وأضافت سما: "بصى يابنتى أنا عارفة إنك بتحبى لبنان عشان ماعندهمش بلهارسيا زينا، ريحينا منك ومن لسانك على الناس وعلى مصر اللى بقى يقل أدبه حتى على مصر اللى ربتك وروحى عيشى فى لبنان والله هنكسر وراكى زير، بلد البلهارسيا ما تنفعش تعيش فيها واحدة زيك بتاعت مياه معدنية وفساتين براندات وبارفانات وحاجات، سيبى دا للغلابة، فاكرة مطعم .... اللى فى المنيل اللى نصر محروس اخدك منه وانتى بتغنى هناك بالشبشب أبو وردة؟، لسه موجود المطعم ويشهد انك كنتى مش لاقية حتى تشربى ميه البلهارسيا لا انتى عارفة كنتى بتشربى مياه إيه".

واردفت: "أيوه هى المياه الصفرا دى هى دى للى كنتى بتشربيها اللى كلها أملاح دى، دى فعلا اللى تليق ليكى، ياتروحى لبنان ياترجعى تشربى المياه الصفراء المملحة يا تعتذرى لمصر، مصر اللى عملت منك فنانة وتعتذرى للمصريين كلهم، ملعون أبو الشهرة ياشيخه اللى نستك أصلك وأهلك وبلدك، دا انتى مفيش دم ولا إحساس ولا أى حاجة".

واستطردت سما: "مصر بتمسى عليكى بصورتك القديمة دى وبتقولك اوعى تنسى نفسك لأنك لو نسيتى المصريين مابينسوش، سبحان العاطى الوهاب بعد الشبشب والقبقاب يابنت عبد الوهاب،  لو مش عاجبك البلهارسيا عشان انتى ماتستحقيش تقعدى فى مصر، طبعا الحبيبة هيقولوا لى بصى للبسك الأول، أيوه بلبس كل حاجة وحشة فى نظركم بس لا أهين بلدى واللى يهين بلدى أقطع له لسانه حتى لو آه ياليل، ليل أسود ياشيخة عليكى لما تتريقى على بلدك، اخس على الفلوس اللى بتغير النفوس".

شاهد..




تقييم الموضوع:

استطلاع رأي

بعد فشل مفاوضات سد النهضة.. ما هى الخطوة التالية لمصر في رأيك؟

  • شروق

    06:32 ص
  • فجر

    05:05

  • شروق

    06:32

  • ظهر

    11:46

  • عصر

    14:39

  • مغرب

    16:59

  • عشاء

    18:29

من الى